دنیا میں سب سے زیادہ استعمال کیے جانے والا سرچ انجن گوگل نے اپنے صارفین کےلئے انگلش بولنے کی صلاحیت کو بہتر بنانے کے لئے ایک نیا فیچر متعارف کروادیا ہے۔
آرٹی فیشل انٹیلی جنس ٹیکنالوجی ( اے آئی) پر مبنی یہ فیچر ’اسپیکنگ پریکٹس‘ ہے جوکہ ابھی آزمائشی مراحل میں ہے ، اس کے ذریعے صارف کو انگریزی بولنے کی صلاحیت بہتر کرنے میں مدد ملے گی۔
اسپیکنگ پریکٹس تک رسائی کے لیے صارفین کو پہلے گوگل سرچ ایپ سیٹنگز میں سرچ لیبز کو فعال کرنا ہوگا۔
آپشن آن کرنے کے بعد صارفین ’ٹرائی این اگزیمپل‘ پر کلک کر کے اسپیکنگ پریکٹس ڈھونڈ سکتے ہیں۔
میڈیا رپورٹس کے مطابق فی الحال یہ فیچر ارجنٹینا، کولمبیا، بھارت، انڈونیشیا، میکسیکو اور وینوزویلا میں آزمایا جارہا ہے۔
