انٹرنیٹ صارفین کو شام کے وقت انٹرنیٹ استعمال کرنے میں مشکلات کیوں پیش آرہی ہیں؟ بڑی وجہ سامنے آ گئی

انٹرنیٹ صارفین کو شام کے وقت انٹرنیٹ استعمال کرنے میں مشکلات پیش آنے کی بڑی وجہ سامنے آگئی ہے۔

ذرائع کے مطابق  سنگاپور سے پاکستان اور یورپ کو ملانے والی آپٹیکل فائبرسب میرین کیبل کو 5 کٹ لگے ہیں جس کی وجہ سے پاکستانی صارفین کو اس مشکل صورتحال کا سامنا ہے۔

 سنگاپور سے پاکستان اور یورپ کو ملانے والی آپٹیکل فائبرسب میرین کیبل کو ٹھیک کرنے میں ایک ماہ درکار ہوگا۔

پاکستان ٹیلی کمیونیکیشن اتھارٹی سے وابستہ ذرائع کے مطابق آپٹیکل فائبر کیبل کٹنے سے مشرقی سمت سے آنے والی انٹرنیٹ سروس متاثر ہے، پاکستانی صارفین کو شام کے اوقات میں مشکلات کا سامنا رہے گا۔

ذرائع کا کہنا ہے کہ مشرقی سمت سے آنیوالی ٹریفک 10 فیصد سے بھی کم ہے اس لئے انٹرنیٹ ٹریفک کو متبادل ذرائع پر شفٹ کردیا گیا ہے۔