واٹس ایپ کے دلچسپ فیچر سے متعلق اہم خبر
دنیا کی سب سے بڑی میسجنگ ایپ واٹس ایپ کے صارفین کے لئے اچھی خبر آ گئی ہے۔
رپورٹ کے مطابق اس سوشل میڈیا پلیٹ فارم کی جانب سے چیٹ لاک فیچر کو مزید بہتر بنایا جا رہا ہے جس کے تحت مین ڈیوائس کے ساتھ ساتھ لنکڈ ڈیوائسز پر بھی چیٹ لاک کو استعمال کرنا ممکن ہوگا۔
جی ہاں، چیٹ لاک فیچر مئی 2023 میں موبائل ایپس کے لیے متعارف کرایا گیا تھا جس کے ذریعے مختلف چیٹس کو ایک فولڈر میں محفوظ کیا جاتا ہے۔
لاک کی گئی چیٹس تک رسائی سیکرٹ کوڈ کے ذریعے ہوتی ہے، مگر اس فیچر میں ایک خامی تھی کہ آپ صرف مین ڈیوائس میں ہی چیٹس کو لاک کر سکتے ہیں جبکہ لنکڈ ڈیوائسز پر وہ لاک نہیں ہوتیں۔
لنکڈ ڈیوائسز پر لاکڈ چیٹ فولڈر واٹس ایپ کی مین اسکرین کے اوپر نظر آئے گا۔
مگر آپ کے مین واٹس ایپ اکاؤنٹ کا سیکرٹ کوڈ لنکڈ ڈیوائسز پر کام نہیں کرے گا بلکہ تمام ڈیوائسز کے لیے پرائمری ڈیوائس کی سیٹنگز میں جاکر ایک نیا سیکرٹ کوڈ تیار کرنا ہوگا۔
جب صارف سیکرٹ کوڈ تیار کرلیں گے تو ان کی لاکڈ چیٹس تمام لنکڈ ڈیوائسز کی چیٹ لسٹ سے بھی غائب ہو جائے گی اور ان تک رسائی لاکڈ چیٹس اسکرین کے ذریعے ہی ممکن ہوگی۔
تمام ڈیوائسز میں چیٹ لاک کے اطلاق سے صارفین حساس چیٹس کو دیگر افراد کی نظروں سے بچا سکیں گے، چاہے وہ افراد ڈیوائس کو استعمال ہی کیوں نہ کریں۔
