واٹس ایپ میں ایک اور بہترین فیچر کا اضافہ
دنیا کی سب سے بڑی میسجنگ ایپ واٹس ایپ کے صارفین کے لئے اچھی خبر آ گئی ہے۔
رپورٹ کے مطابق واٹس ایپ میں ڈیفالٹ چیٹ تھیم نامی فیچر کو متعارف کرانے کے لیے کام کیا جا رہا ہے، اس فیچر کے تحت صارفین ایپ میں ایک ڈیفالٹ تھیم کو سیٹ کرنے کے ساتھ ساتھ ایپ کے چیٹ ببلز کے رنگ بھی تبدیل کر سکیں گے۔
جی ہاں، رپورٹ میں بتایا گیا کہ اس فیچر کے تحت صارفین کو ڈیفالٹ چیٹ تھیم کے لیے 5 مختلف رنگوں میں سے کسی ایک کا انتخاب کرنا ہوگا۔
یہ فیچر ایپ کی سیٹنگز مینیو میں موجود ہوگا اور وہاں گرین تھیم کے ساتھ ساتھ بلیو، گرے، ریڈ اور پرپل رنگوں میں سے کسی ایک کو منتخب کرنا ہوگا۔
جب صارف کی جانب سے کسی تھیم کا انتخاب کیا جائے گا تو چیٹ وال پیپر اور ببل کلر اس کے مطابق تبدیل ہو جائیں گے۔
واضح رہے کہ ابھی یہ فیچر بیٹا ورژن میں دیا گیا ہے تو ابھی یہ کہنا مشکل ہے کہ اسے کب تک تمام صارفین کے لیے متعارف کرایا جا سکتا ہے۔
