سیاہ انگور کے 10 حیرت انگیز فوائد، جنہیں آپ نہیں جانتے
یوں تو سارے ہی پھل ذائقہ دار ہونے کے ساتھ صحت کے فوائد پیش کرتے ہیں تاہم کچھ پھل اپنی منفرد خصوصیات کی بنا پر زیادہ پسند کیے جاتے ہیں ان ہی میں انگور بھی شامل ہے۔
دنیا بھر میں انگور کی کئی اقسام پائی جاتی ہیں جن میں سُرخ انگور، کالا انگور، پیلا، گلابی اور سبز انگور وغیرہ شامل ہیں۔
یہ ننھا سا پھل نہ صرف ذائقہ دار ہوتا ہے بلکہ بے حد پسند کیا جاتا ہے، سبز انگور کی نسبت سیاہ انگور زیادہ صحت بخش ہوتے ہیں، یہاں پر سیاہ انگور کے 10 فوائد پیش کیے جارہے ہیں۔
اینٹی آکسیڈنٹس سے بھرپور
سیاہ انگور میں سبز انگور کی نسبت زیادہ اینٹی آکسیڈنٹس جیسے ریسویراٹرول اور فلیوونائڈز موجود ہوتے ہیں، جو جسم کو فری ریڈیکلز سے بچاتے ہیں اور دل کی بیماریوں کا خطرہ کم کرتے ہیں۔
دل کی صحت کے لیے مفید
یہ خون کی روانی کو بہتر بنانے اور بلڈ پریشر کو کنٹرول میں رکھنے میں مدد کرتے ہیں، جس سے دل کے امراض کا خطرہ کم ہوتا ہے۔
کینسر سے بچاؤ
سیاہ انگور میں موجود پولی فینولز کینسر کے خلیات کو بڑھنے سے روکتے ہیں اور کینسر کے خطرے کو کم کرنے میں معاون ثابت ہوتے ہیں۔
بینائی میں بہتری
اس میں موجود وٹامن اے اور فلیوونائڈز آنکھوں کی صحت کو بہتر بناتے ہیں، جس سے بینائی بہتر ہوتی ہے اور آنکھوں کے دیگر مسائل سے بچاؤ ممکن ہوتا ہے۔
نظام ہاضمہ کو بہتر بنائے
فائبر سے بھرپور سیاہ انگور نظام ہاضمہ کو بہتر بنانے میں اہم کردار ادا کرتے ہیں اور قبض جیسے مسائل سے بچنے میں مددگار ثابت ہوتے ہیں۔
ذہنی دباؤ کو کم کرے
اس میں موجود اینٹی آکسیڈنٹس اور فلیوونائڈز ذہنی دباؤ کو کم کرنے اور دماغی صحت کو بہتر بنانے میں معاون ثابت ہوتے ہیں۔
جگر کی صحت کے لیے مفید
سیاہ انگور جگر کو زہریلے مادوں سے پاک کرنے میں مدد دیتے ہیں اور اس کے فعل کو بہتر بنانے میں معاون ثابت ہوتے ہیں، جس سے جسم کی مجموعی صحت بہتر ہوتی ہے۔
جلد کی خوبصورتی
اس میں موجود وٹامن سی اور اینٹی آکسیڈنٹس جلد کی چمک کو بہتر بناتے ہیں اور عمر رسیدگی کے اثرات سے بچانے میں مدد دیتے ہیں۔
وزن میں کمی
سیاہ انگور میں کیلوریز کم اور فائبر زیادہ ہوتا ہے، جو وزن کم کرنے کے خواہشمند افراد کے لیے ایک صحت بخش غذا ثابت ہوسکتی ہے۔
قوت مدافعت میں اضافہ
اس میں موجود وٹامن سی اور اینٹی آکسیڈنٹس جسم کے مدافعتی نظام کو مضبوط کرتے ہیں، جس سے مختلف بیماریوں کے خلاف مزاحمت میں اضافہ ہوتا ہے۔
سیاہ انگور کا باقاعدہ استعمال آپ کی صحت کو بہتر بنانے میں مددگار ثابت ہوسکتا ہے اور یہ پھل مختلف بیماریوں سے بچاؤ میں بھی معاون ہے۔
