تھریڈز نے اب تک کا بہترین فیچر متعارف کروادیا
سوشل میڈیا ایپ تھریڈز نے اب تک کا بہترین فیچر متعارف کروادیا ہے۔
رپورٹ کے مطابق میٹا نے تھریڈز پر ایکس (ٹوئٹر) کے ٹوئٹ ڈیک سے ملتا جلتا فیچر پیش کردیا گیا، مذکورہ فیچر کے بعد تھریڈز کا ڈیسک ٹاپ ورژن مکمل طور پر تبدیل ہوگیا ہے۔
جی ہاں، رپورٹ میں بتایا گیا کہ صارفین چاہیں تو ڈیسک ٹاپ فیڈ کو اپنی مرضی کے مطابق جس وقت چاہیں تبدیل کر سکتے ہیں۔
تھریڈز کے نئے ورژن کو اگر کوئی خاص نام نہیں دیا گیا لیکن صارف کو نیا فیچر ٹرینڈنگ کے نیچے کام کرتا دکھائی دے گا۔
ٹرینڈنگ کے نیچے تھریڈز صارفین 100 کالمز یا ٹیبز بنا سکیں گے، یہ ٹیبس کسی بھی ٹرینڈنگ موضوع پر بھی ہو سکتے ہیں یا پھر اپنی پسند کا کوئی بھی غیر مقبول ٹرینڈ بھی ہوسکتا ہے۔
مثال کے طور پر اکسی صارف کو کراچی ٹریفک سے متعلق اپڈیٹ درکار ہو تو وہ کراچی ٹریفک کے ٹرینڈ کو بھی اپنی فہرست کا حصہ بنا سکتا ہے اور پھر صارف کو کراچی ٹریفک کی تمام تازہ ترین پوسٹس اسی میں نظر آنے لگیں گی۔
مذکورہ فیچر اگرچہ ٹوئٹ ڈیک جیسا نہیں ہے لیکن اسی سے ملتا جلتا فیچر ہے اور مذکورہ فیچر کے تحت تھریڈز کا ڈیزائن مکمل طور پر تبدیل ہوچکا۔
تھریڈز کے ڈیسک ٹاپ ورژن میں تبدیلی کیے جانے کے بعد خیال کیا جا رہا ہے کہ جلد ہی اس کی ایپلی کیشن کو بھی ری ڈیزائن کردیا جائےگا جب کہ اس میں ایکس جیسے مزید فیچرز کو بھی پیش کیے جانے کا امکان ہے۔
