این آئی سی وی ڈی کی سال 2024 کی کارکردگی رپورٹ جاری
کراچی: این آئی سی وی ڈی کراچی سال 2024 میں 13 لاکھ سے زائد مریضوں کا بالکل مفت علاج کرنے والا ادارہ بن گیا ہے جس میں 9,857 پرائمری انجیوپلاسٹیز اور 3,152 کارڈیک سرجریز شامل ہیں۔
قومی ادارہ برائے امراضِ قلب (این آئی سی وی ڈی) کراچی نے 2024 کے دوران اپنے آپریشنل اعداد و شمار جاری کردیے ہیں۔
ترجمان این آئی سی وی ڈی کراچی کے مطابق این آئی سی وی ڈی دنیا کی سب سے بڑی مفت کارڈیک کیئر فراہم کرنے والی سہولت بن چکا ہے۔
ترجمان نے بتایا کہ ان سہولیات میں اوپن ہارٹ سرجریز، پرائمری پرکیوٹینیئس کوروناویری انٹروینشنز (PCIs) اور دیگر پروسیجرز شامل ہیں۔
ترجمان کا کہنا تھا کہ سال 2024 میں NICVD کراچی نے 13 لاکھ سے زائد مریضوں کو جدید کارڈیک کیئر کی خدمات فراہم کیں اور یہ سب خدمات مکمل طور پر مفت تھیں۔
ترجمان کے مطابق ادارے کی غیر معمولی کارکردگی اور صحت کی سہولیات فراہم کرنے کے عزم کو ظاہر کرنے والے اہم اعدادوشمار درج ذیل ہیں:
پرائمری انجیوپلاسٹیز: 9,857
ارلی اور الیکٹیو انجیوپلاسٹیز: تقریباً 4,500
انجیوگرافیز: 18,000
پیڈیاٹرک کیتھٹرازیشنز اور انٹروینشنز: 2,020
پرسکیوٹینیئس ٹرانس وینس مائٹرل کومیشوروٹومی:299 *
ٹرانس کیتھٹر آؤرٹک والو ایمپلانٹیشن (TAVI) پروسیجرز: 30
بڑوں کی اوپن ہارٹ سرجریز: *1,702
بچوں کی اوپن ہارٹ سرجریز: 1,450
آؤٹ پیشنٹ کنسلٹیشنز (بڑوں اور بچوں کے): 333,761
اسپتال میں داخلے: 54,347
اسٹروک انٹروینشنز: 75
ٹیمپریری پیس میکر ایمپلانٹیشنز:1,202
پرمننٹ پیس میکر ایمپلانٹیشنز : 998 :
ایکو کارڈیوگرامز: 90,000 سے زائد
ترجمان نے مزید بتایا کہ سندھ کے علاوہ دیگر صوبوں اور علاقوں کے مریضوں کو بھی یہ خدمات فراہم کی گئیں جب کہ این آئی سی وی ڈی کی مفت اور جدید کارڈیک کیئر سے 160,427 مریض مستفید ہوئے.
پنجاب: 35,251 مریض
بلوچستان: 107,392 مریض
خیبر پختونخوا: 16,004 مریض
آزاد جموں و کشمیر: 1,260 مریض
گلگت بلتستان: 520 مریض
اس کے علاوہ این آئی سی وی ڈی نے اپنی خصوصی قلبی دیکھ بھال کو پسماندہ علاقوں تک بڑھاتے ہوئے شیخ محمد بن زید النہیان انسٹیٹیوٹ آف کارڈیالوجی کے تعاون سے کوئٹہ میں مفت پیڈیایٹرک کارڈیک خدمات کا آغاز کیا۔ یہ اقدام فروری 2024 میں شروع کیا گیا تھا اور اس کے شاندار نتائج حاصل ہوئے ہیں۔
45 پیڈیاٹرک کارڈیک سرجریز اور 102 انٹروینشنز کامیابی سے مکمل کی گئیں۔
101 سی ٹی اینجیو کیے گئے۔
4,500 سے زائد بچوں کو او پی ڈی میں دیکھا گیا۔
750 پیچیدہ کیسز کو مزید جدید علاج کے لیے این آئی سی وی ڈی کراچی ریفر کیا گیا۔
یہ اقدام بلوچستان کے پسماندہ بچوں کو زندگی بچانے والی قلبی دیکھ بھال بلا معاوضہ فراہم کرتا ہے، اور ان کو خصوصی علاج تک رسائی یقینی بناتا ہے جو اس سے پہلے اس علاقے میں دستیاب نہیں تھے۔
این آئی سی وی ڈی کے ایگزیکٹو ڈائریکٹر، پروفیسر طاہر صغیر نے مساوی صحت کی سہولیات کے عزم کا اعادہ کرتے ہوئے کہا کہ این آئی سی وی ڈی کا مقصد ہر مریض کو جدید ترین کارڈیک علاج فراہم کرنا ہے، خواہ ان کا پس منظر یا مالی حیثیت کچھ بھی ہو اور یہ سب خدمات مفت فراہم کی جاتی ہیں۔
انہوں نے کہا کہ ہمیں اس بات پر فخر ہے کہ ہم پورے ملک کے لوگوں کی بغیر کسی تفریق کے خدمت کر رہے ہیں اور ان کو امراضِ قلب کی جدید سہولیات فراہم کر رہے ہیں۔
