انسٹاگرام کا اپنے صارفین کے لئے اب تک کا بہترین فیچر متعارف کروانے کا امکان

سوشل میڈیا کی فوٹو اینڈ ویڈیو شیئرنگ ایپ انسٹاگرام اپنے صارفین کے لئے اب تک کا بہترین فیچر متعارف کروانے جارہا ہے۔

رپورٹ کے مطابق انسٹا گرام میں Early Access to Features نامی آپشن متعارف کرایا جا رہا ہے جو کہ واٹس ایپ بیٹا پروگرام جیسا ہوگا۔

جی ہاں، رپورٹ میں بتایا گیا کہ انسٹا گرام میں ابھی نئے فیچرز تک سب سے پہلے رسائی کے لیے اینڈرائیڈ بیٹا پروگرام کا حصہ بننا پڑتا ہے، مگر اس نئے آپشن سے نئے فیچرز تک سب سے پہلے رسائی انسٹا گرام کے اندر ہی ممکن ہو جائے گی۔

یہ آپشن انسٹا گرام سیٹنگز میں موجود ہوگا۔

واٹس ایپ بیٹا پروگرام میں موجود صارفین کے فیڈ بیک کو مدنظر رکھ کر نئے فیچرز کو تمام افراد کے لیے متعارف کرایا جاتا ہے۔

خیال رہے کہ کمپنی کی جانب سے باضابطہ طور پر اس نئے فیچر کی تصدیق نہیں کی گئی تو ابھی یہ کہنا مشکل ہے کہ اسے کب تک متعارف کرایا جا سکتا ہے۔