کائنات میں ایلین کی موجودگی پر ایلون مسک نے کیا کہا؟

ٹیسلا، اسپیس ایکس اور ایکس (ٹوئٹر) کے مالک ایلون مسک نے کائنات میں ایلین کی موجودگی پر اپنے رائے کا اظہار کیا ہے۔ 

غیر ملکی میڈیا رپورٹس کے مطابق اسپیس ایکس کے ایک ایونٹ سے خطاب کرتے ہوئے ایلون مسک نے کہا کہ ایلینز کی موجودگی کے ٹھوس شواہد اب تک دیکھنے میں نہیں آئے۔

انہوں نے کہا کہ میں نے ایسے کوئی شواہد نہیں دیکھے جن سے معلوم ہوتا ہو کہ ایلینز زمین پر موجود ہیں، میرا تو خیال ہے کہ ممکنہ طور پر ہم کائنات میں تنہا ہیں۔

ان کا کہنا تھا کہ وہ 20 برسوں میں مریخ پر ایک شہر تعمیر کریں گے اور اسٹار شپ اس حوالے سے اہم کردار ادا کرے گا۔

واضح رہے کہ اسٹار شپ کو دنیا کا سب سے طاقتور راکٹ قرار دیا جاتا ہے جو 2 حصوں پر مشتمل ہے۔