بغیر انٹرنیٹ واٹس ایپ استعمال کرنے کا زبردست طریقہ سامنے آگیا

بغیر انٹرنیٹ واٹس ایپ استعمال کرنے کا زبردست طریقہ سامنے آگیا ہے۔

دنیا بھر میں واٹس ایپ کے 2 ارب سے زیادہ صارفین ہیں، اور عمومی خیال یہ ہے کہ انٹرنیٹ کے بغیر اس ایپ کو استعمال نہیں کیا جاسکتا۔

لیکن یہ خیال غلط ہے، کیونکہ واٹس ایپ کو انٹرنیٹ کے بغیر یا سست رفتار انٹرنیٹ میں بھی استعمال کرنا ممکن ہے۔

اس حوالے سے واٹس ایپ نے 2023 میں پراکسی سپورٹ نامی فیچر متعارف کرایا تھا جس کا مقصد ہر اس جگہ واٹس ایپ تک رسائی فراہم کرنا ہے جہاں ایپ کو بلاک کیا گیا ہو یا انٹرنیٹ سروس کسی وجہ سے متاثر ہو۔

فیچر کا استعمال

اس فیچر کو استعمال کرنے کیلئے واٹس ایپ اوپن کرکے سیٹنگز میں جائیں، وہاں اسٹوریج کے آپشن میں جاکر ڈیٹا پر کلک کرکے یوز پراکسی کا انتخاب کریں۔

وہاں جاکر پراکسی ایڈریس کا اندراج کریں اور سیو ٹو کنکٹ پر کلک کریں۔ ایسا کرنے کے بعد ایک چیک مارک نظر آئے گا جس سے ثابت ہوگا کہ کنکشن کام کر رہا ہے، جس کے بعد آپ انٹرنیٹ کنکشن کے بغیر بھی میسجز بھیج سکیں گے یا موصول کرسکیں گے۔