ایپل کا آن لائن ایونٹ کے انعقاد کا اعلان
معروف ٹیکنالوجی کمپنی ایپل نے آن لائن ایونٹ کے انعقاد کا اعلان کردیا ہے۔
رپورٹ کے مطابق یہ تقریب ایپل کی ویب سائٹ پر مشرقی وقت کے مطابق 7 تاریخ کو صبح 10 بجے لائیو اسٹریم کی جائے گی جس میں نئی پروڈکٹ لانچ کرانے کا اعلان کیا جائے گا۔
رپورٹ میں بتایا گیا کہ 2023 میں کوئی نیا ماڈل متعارف نہ کرانے کے بعد اب آئندہ ایونٹ میں نئے آئی پیڈز کی ریلیز متوقع ہے۔
کمپنی کی جانب سے دیے گئے دعوت نامے پر ایپل پینسل دکھائی گئی ہے جو کمپنی کا آئی پیڈ اسٹائلس ہے۔
کمپنی ممکنہ طور پر اپنے ہائی اینڈ آئی پیڈ پرو کے اپ گریڈ کے ساتھ بڑا آئی پیڈ ایئر جاری کرنے جارہی ہے۔
ایپل کی جانب سے رواں برس، عین ممکن ہے جون میں منعقد کی جانے والی ورلڈ وائڈ ڈیویلپرز کانفرنس میں مصنوعی ذہانت کے متعلق اہم اعلانات متوقع ہیں۔
