کتنے فیصد پاکستانی رمضان المبارک میں وزن کم کرنے میں کامیاب ہوئے؟ سروے رپورٹ نے سب کو حیران کردیا
رمضان المبارک میں وزن کم کرنے والے پاکستانیوں سے متعلق سروے رپورٹ جاری کر دی گئی ہے۔
معروف ادارے گیلپ پاکستان کی جانب سے جاری کردہ سروے کے مطابق56 فیصد پاکستانیوں کے وزن میں روزوں کے بعد کمی آئی ہے۔
سروے کے دوران 7 فیصد افراد نے وزن میں اضافے کی شکایت بھی کی اور کہا کہ روزوں کے باوجود ان کے وزن میں اضافہ ہوگیا ہے۔
گیلپ پاکستان کی جانب سے ہونے والے سروے میں 35 فیصد پاکستانیوں کا کہنا تھا کہ ان کے وزن میں اس دوران کسی قسم کا فرق نہیں آیا۔
ایسی عمر کے افراد جن کی عمریں 30 سے 50 سال کے درمیان تھیں، سروے کے مطابق ان کے وزن میں سب سے زیادہ کمی واقع ہوئی اور یہ شرح 58 فیصد رہی۔
سروے کے دوران30 سال کی عمر کے 10 فیصد نوجوانوں نے کہا کہ انہوں نے اپنے وزن میں اضافہ دیکھا ہے۔
