پاکستان کی کتنے فیصد آبادی سوشل میڈیا استعمال کرتی ہے؟ سروے رپورٹ میں انکشاف

پاکستان میں کتنے فیصد افراد کے سوشل میڈیا اکاؤنٹس ہیں؟ گیلپ سروے نے اس بارے میں رپورٹ جاری کردی ہے۔

گیلپ سروے رپورٹ کے مطابق 60 فیصد پاکستانی فیس بک، انسٹاگرام اور ٹک ٹاک سمیت دیگر سماجی رابطوں کی ایپس استعمال نہیں کرتے۔ سروے 28 جون سے 10 جولائی تک کیا گیا جس میں 700 سے زائد افراد سے رائے لی گئی۔

رپورٹ کے مطابق 40 فیصد پاکستانی فیس بک، انسٹاگرام، ٹک ٹاک اور دیگر ایپس کا بھرپور استعمال کرتے ہیں۔ ان ایپس پر 30 سال سے کم عمر کے 62 فیصد نوجوان زیادہ فعال ہیں۔

جبکہ 30 سال سے زائد عمر کے صرف 30 فیصد پاکستانی متحرک ہیں۔ سوشل میڈیا کے استعمال میں پاکستانی مرد خواتین سے آگے ہیں۔