واٹس ایپ کا صارفین کیلئے نئے فیچر پر کام جاری

دنیا کی سب سے بڑی میسجنگ ایپ واٹس ایپ کے صارفین کے لئے اچھی خبر آ گئی ہے۔

رپورٹ کے مطابق واٹس ایپ صارفین چیٹ میں بھیجی جانے والی تصاویر اور ویڈیوز بھیجنے سے قبل ایچ ڈی کا آپشن منتخب نہ کریں تو پکسلز پھٹ جاتے ہیں جس سے فوٹو کوالٹی خراب ہوجاتی ہے۔

رپورٹ میں بتایا گیا کہ یہ دلچسپ فیچر صارفین کو ہائی ڈیفینیشن (HD) کے ساتھ میڈیا کے ڈیفالٹ معیار کے طور پر تصاویر بھیجنے کے قابل بنائے گا جس سے ہر تصویر کے لیے HD آپشن کو منتخب نہیں کرنا پڑے گا۔

یہ واٹس ایپ صارفین کو بغیر کسی رکاوٹ کے اعلیٰ معیار کی ویڈیوز اور تصاویر  بھیجنے کی سہولت فراہم کرے گا۔

واضح رہے کہ اس فیچر سے متعلق مزید تفصیلات شیئر نہیں کی گئیں لیکن اس پر ایپ نے کام شروع کردیا ہے۔